NSE IPO:
Desh Ka Sabse Bada IPO Aa Raha Hai, Price Band 11 September se
Bharat ke share market investors ke liye bahut badi khabar hai. Desh ka sabse bada stock exchange National Stock Exchange (NSE) ka IPO finally aane wala hai. 10 saal ke intezaar ke baad SEBI ne isko hari jhandi de di hai.
NSE IPO Latest Update
CNBC TV18 aur Business Today ki report ke hisab se:
-SEBI Approval: Agle hafte (September 2nd week) me milne ki ummeed hai. Supreme Court ne Co-location aur Dark Fibre case me SEBI ki appeal kharij kar di hai, isliye sabse bada hurdle khatam ho gaya hai.
Price Band Announcement 11 September 2026
Listing Date: 25 September 2026 ko BSE par list hoga. NSE apne hi platform par list nahi ho sakta.
Issue Size: Lagbhag 30,000 – ₹32,000 Crore . Ye India ka sabse bada IPO ban sakta hai, Hyundai Motor ke ₹27,870 Crore ke IPO se bhi bada.
Offer Type: Ye pura ka pura Offer For Sale (OFS) hoga. Matlab company naya paisa nahi legi, purane shareholders apne share bechenge. Kul 14.89 Crore shares (6% equity) beche jayenge
Unlisted Market Price: Abhi NSE ka share unlisted market me ₹2000 – ₹2050 ke aas-paas trade kar raha hai.
NSE IPO Details – Ek Nazar Me
Detail Information
Company Name: National Stock Exchange of India Ltd
Founded: 1992
MD/CEO :Shri Ashishkumar Chauhan
IPO Date: Dates to be announced (Expected 15-18 Sept)
Price Band: (11 Sept ko ayega)
Lot Size-
Issue Size ~ ₹30,000 Crore
RHP PDF Company ne DRHP June 2026 me file kiya hai
Company Ke Baare Me
NSE India ka sabse bada stock exchange hai. 2001 se ye India ka No.1 exchange hai. Ye ek vertically integrated model par kaam karta hai jisme Trading, Clearing, Listing aur Data services aati hain. Iske products me Equities, ETFs, REITs, Equity Derivatives, Currency Derivatives, Commodity Derivatives sab aate hain.
NSE Company Details:
Revenue
– FY 2024: ₹14,780.01 Cr
– FY 2025: ₹17,140.68 Cr
– FY 2026: ₹16,601.31 Cr
*Profit:*
– FY 2024: ₹8,305.74 Cr
– FY 2025: ₹12,187.69 Cr
– FY 2026: ₹10,302.06 Cr
Total Assets:
– FY 2024: ₹65,463.98 Cr
– FY 2025: ₹69,466.64 Cr
– FY 2026: ₹87,937.44 Cr
Company ka profit CAGR 11.37% raha hai jo bahut strong hai.
NSE IPO Ke Fayde;
1. Monopoly Business: Cash Market me 92.99%, Equity Futures me 99.79% aur Equity Options me 74.71% market share hai FY26 me. Duniya ka sabse bada derivatives exchange hai.
2. Global Leader: Trading volume ke hisab se duniya ka sabse bada multi-asset exchange hai, 7 saal se No.1 hai.
3. Capital Formation Engine: FY26 me ₹20.33 Lakh Crore ka fund mobilize karwaya hai.
4. Strong Technology: Rozana 12 se 14 billion messages process karta hai, 2024-26 me ek bhi data breach nahi hua hai.
NSE IPO Ke Nuksan (Cons / Risks)
1. Revenue Concentration Risk: 60.22% revenue sirf Options trading se aur 8.92% Futures se aata hai. Agar SEBI ne derivative par niyam sakht kiye toh revenue girega. FY26 me aisa hua bhi hai.
2. Regulatory Scrutiny: Co-location case me company ne FY25 me ₹643 Crore ka settlement kiya hai aur FY26 me ₹1391 Crore ka provision kiya hai.
3. Client Concentration: Top 10 brokers se hi 46.78% revenue aata hai.
4. Technology Risk: 24 Feb 2021 ko 5.5 ghante trading halt hui thi jiske liye ₹72.6 Crore penalty lagi thi.
Kya Aapko Invest Karna Chahiye?
Agar aap long-term investor hain aur India ke capital market growth par bharosa karte hain, toh NSE ek monopoly aur high-profit business hai. BSE ka share 2017 me list hua tha aur 30 guna badh chuka hai. NSE usse 6 guna bada hai.
Lekin dhyan rahe, iska unlisted share 6 mahine ke lock-in me ayega aur valuation abhi hi bahut high hai (₹5.3 Lakh Crore).
Disclaimer: Ye article sirf jankari ke liye hai. Invest karne se pehle apne financial advisor se salah jarur le.